ជនជាតិវៀតណាមដែលផឹកស៊ីចាក់ធុងបាសស្រែកច្រៀងឡូឡាល្មើសនិងសារាចរណែនាំរបស់រាជរដ្ឋាភិបាលត្រូវបានសមត្ថកិច្ចឃាត់ខ្លួន

ខេត្តកំពង់ឆ្នាំង:ជនជាតិវៀតណាមដែលផឹកស៊ីចាក់ធុងបាសស្រែកច្រៀងឡូឡាល្មើសនិងសារាចរណែនាំរបស់រាជរដ្ឋាភិបាលត្រូវបានសមត្ថកិច្ចឃាត់ខ្លួននៅថ្ងៃទី២១មេសា២០២១នេះហើយ ។

ជនជាតិវៀតណាមដែលត្រូវបានសមត្ថកិច្ចក្រុងកំពង់ឆ្នាំងឃាត់ខ្លួនខាងលើនេះមានឈ្មោះ វៀងយ៉ាំងញ្ញ៉ា ភេទប្រុសអាយុ៥៨ឆ្នាំរស់នៅក្នុងភូមិកណ្ដាលសង្កាត់ផ្សារឆ្នាំងក្រុងនិងខេត្តកំពង់ឆ្នាំង ។

ប្រជាពលរដ្ឋនៅក្នុងភូមិកណ្តាលបានអោយដឹងថាជនជាតិវៀតណាមខាងលើនេះអោយតែពេលបានផឹកស៊ីជាមួយអ្នកធំនិងក្រុមឈ្មួញម្តងៗចាក់ធុងបាស់ស្រែកច្រៀងឡូឡាជេគេជេគេឯងអ្នកជិតខាងរកដេកនៅមិនបានសោះហើយផ្គើននិងសារាចរណ៍ណែនាំរបស់រាជរដ្ឋាភិបាលគ្រាដែលកំពង់វឹកវនិងជម្ងឺកូវិដ១៩ ។

ជនជាតិវៀតណាមខាងលើនេះត្រូវបានសមត្ថកិច្ចនគបាលមូលដ្ឋានធ្លាប់ធ្វើកិច្ចសន្យាបញ្ឈប់ការផឹកស៊ីចាក់ធុងបាស់ស្រែឡូឡា២លើកមកហើយ។

អធិការនគបាលក្រុងកំពង់ឆ្នាំងលោកវរះសេនីយ៍ឯក ឆាយខេមរត្ន បានអោយដឹងនៅថ្ងៃទី២១មេសា២០២១នេះថាការឃាត់ខ្លួនជនជាតិវៀតណាមខាងលើនេះដោយរស់នៅមិនគោរពបទបញ្ជារបស់រាជរដ្ឋាភិបាលនិងបំពានវិធានវិធានការរបស់ក្រសួងសុខាភិបាលប្រយុទ្ធប្រឆាំងទប់ស្កាត់ជម្ងឺកូវិដ១៩ផឹកស៊ីស្រវឹងស្រែកឡូឡាចាក់ធុងបាស់ពេលយប់បង្កការរំខានដល់អ្នកជិតខាង ។

អធិការនគបាលក្រុងកំពង់ឆ្នាំងបានបញ្ជាក់ឲ្យដឹងទៀតថាជនជាតិវៀតណាមខាងលើនេះត្រូវបានសមត្ថកិច្ចឃាត់ខ្លួននៅអធិការនគរបាលក្រុងកំពង់ឆ្នាំងកំពុងកសាងសំណុំរឿងនិងសុំគោលការណ៍ទៅថ្នាក់លើដើម្បីសម្រេច ។

ពាក់ព័ន្ធនឹងករណីខាងលើនេះប្រជាពលរដ្ឋកំពុងរង់ចាំមើលថាជនជាតិវៀតណាមខាងលើនេះអាចគេចផុតពីសំណាញ់ច្បាប់បានដែរឬយ៉ាងណា ?។