អាងខ្លួនជានគរបាលច្រៀងKTVឱបថើបស្រវឹងធ្លាក់ភ្នែក.ខឹងនារីមិនទៅដេកជាមួយវ៉ៃម្ចាស់ហាងរបួសនិងដកកាំភ្លើងខ្លីប្រុងបាញ់សម្លាប់

 

(ព្រៃវែង)៖ ស្ដ្រីជាម្ចាស់ហាងKTVម្នាក់បានរបួសត្រង់ក.ជាំ និងសម្ភារៈក្នុងហាងបានរងការខូចខាត
បន្ទាប់ពីមានភ្ញៀវ១ក្រុមគ្នា៥នាក់ ចូលផឹកស៊ីច្រៀងKTVឱបថើបស្រីស្រវឹងជោគជាំ។

រួចអុកឡុកទាត់ធាក់សម្ភារៈក្នុងហាង.វ៉ៃម្ចាស់ហាង និងដកកាំភ្លើងខ្លីអាម៉េ សំឡុតប្រុងបាញ់សម្លាប់ទៀតផង។

មូលហេតុ៖ មកពីជនបង្កនោះខឹង នារីក្នុងហាង(ដៃគូខ្លួន)ឈ្មោះ អាម៉ី មិនព្រមទៅដេកជាមួយដើម្បី«បន្ធូរអារម្មណ៍» នៅផ្ទះសំណាក់!។

ហេតុការណ៍ហិង្សា ដ៏កក្រើកនេះបានកើតឡើងនាឱកាសបុណ្យចូលឆ្នាំចិន កាលពីម៉ោង០០.៥០នាទីយប់ ឈានចូលថ្ងៃទី១៣ ខែកុម្ភៈ ឆ្នាំ ២០២១ នៅក្នុងហាងKTVយីហោ(ជំនោរ.មករា) ស្ថិតនៅភូមិកំពង់ពពិល ឃុំកំពង់ពពិល ស្រុកពារាំង ខេត្តព្រៃវែង។

នេះបើយោងតាម គណនីហ្វេសប៊ុកឈ្នោះ Brô Ñóñ បានបង្ហោះ កាលពីថ្ងៃទី១៣.០២.២០២១ថា” ខ្ញុំបាទ ម៉េង ឆានន់ គោរពជូនសម្តេច ក្រឡាហោម ស ខេង ដ៏ខ្ពង់ខ្ពស់!។

ដែលមានខ្លឹមសារថា៖ មានករណីអំពើហិង្សា មកលើម្តាយរបស់ខ្ញុំបាទឈ្មោះ ឡោ សារុំ ។
អ្នកបង្កហិង្សាឈ្មោះ ហាក់ លី (ហៅពៅ) នៅក្នុងហ្វេសប៊ុកគាត់ឈ្មោះ«ហាក់ លី» មានស្រុកកំណើតនៅភូមិកំពង់ឬស្សី ឃុំកំពង់ឬស្សី ស្រុកពោធិ៍រៀង ខេត្តព្រៃវែង។

ជនដៃដល់បានវ៉ៃម្តាយរបស់ខ្ញុំ ហើយអួតថា៖ ខ្លួនជាប៉ូលិសនៅក្រសួងមហាផ្ទៃ។

ពោលគឺ៖នៅពេលកើតហេតុជនបង្កបានផឹកស៊ីស្រវឹង ហើយខឹងស្រីក្នុងហាងមិនទៅដេកជាមួយ។

ដោយជះកំហឹងវ៉ៃអុកឡុកទាត់ធាក់ទូរទឹកកក សម្ភារៈក្នុងហាងនិងវ៉ៃម្ដាយរបស់ខ្ញុំ រួចបើកទ្វារឡាន ដកកាំភ្លើងខ្លីមកគំរាម បាញ់ម្តាយរបស់ខ្ញុំទៀតផង ។

សូមគោរពជូនសម្តេចក្រឡាហោម ស ខេង ដ៏ខ្ពង់ខ្ពស់ជួយរកយុត្តិធម៌ដល់រូបម្តាយខ្ញុំបាទ ជួយ ស៊ែម្នាក់មួយផង។

ជាមួយគ្នានោះប្ដីស្ដ្រីរងគ្រោះនិងជាម្ចាស់ហាងបានឲ្យដឹង នាព្រឹកថ្ងៃទី១៤.០២.២០២១ថា៖ នៅមុនពេលកើតហេតុ មានក្រុមជនបង្កមានគ្នា៥នាក់។

បានមកផឹកស៊ីច្រៀងKTVនៅក្នុងហាង«ជំនោរមករា»របស់ខ្លួន ដោយឱបថើបនារី ក្នុងហាងជាដៃគូអង្គុយកំដរចាក់ស្រាឱ្យ ខណៈជនដៃដល់យកនារីឈ្មោះ(អាម៉ី)អង្គុយកំដរ។

លុះដល់ម៉ោងកើតហេតុ ស្រវឹងជោគជាំ ឈ្មោះ ហាក់ លី (ជនបង្ក)បានបបួលស្រីក្នុងហាង(ដៃគូកំដរ)ឈ្មោះ.អាម៉ី.ឱ្យទៅដេកជាមួយខ្លួននៅផ្ទះសំណាក់ ក្នុងបំណង(បន្ធូរអារម្មណ៍។

លុះ(អាម៉ី)បដិសេធ ប្រកែកមិនព្រមទៅដេកជាមួយ បណ្ដាលឱ្យឈ្មោះ ហាក់ លីឆាយ
ខកបំណងដែលកំពុងចង់រួមភេទ។

ក៏កើតជារឿងក្ដៅក្រហាយក្រពុលមុខ ឡូឡារអុកឡុក វាយទាត់ធាក់សម្ភារៈ ទូរទឹកកក.ក្នុងហាងបណ្ដាលឱ្យរងការខូចខាត
ខណៈនោះស្ដ្រីរងគ្រោះឈ្មោះ ឡោ សារុំ ជាម្ចាស់ហាងបានចេញមកសួរនាំ។

ស្រាប់តែឈ្មោះ ហាក់ លី ស្ទុះវ៉ៃឈ្មោះ ឡោ សារុំ ត្រូវ១ដៃចំគល់ក.បណ្ដាលឱ្យរបួសជាំក.ហើយអួតថា៖ ខ្លួនជាប៉ូលិសធ្វើការធំ ។
មានខ្នងបង្អែករឹងមាំជាថ្នាក់ដឹកនាំ ចង់បិទKTV ម៉ោងណាក៏បាន ទោះបាញ់បោះគ្មាននរណាហ៊ានចាប់ខ្លួនដែរ។

ជាងនេះទៅទៀតជនបង្កបានចូលបើកទ្វាររថយន្ត រួចដកកាំភ្លើងខ្លីអាម៉េ សំឡុតភ្ជង់ប្រុងបាញ់សម្លាប់ម្ចាស់ហាងចោលទៀតផង។

ក្រោយបង្កហេតុក្រុមជនដៃដល់បាន ចេញពីកន្លែងកើតហេតុ ទៅផ្ទះរាងៗខ្លួន ធ្វើដូចគ្មានរឿងអ្វីកើតឡើងសោះឡើយ។
«នេះគ្រាន់តែជាការលើកឡើងតែម្ខាងប៉ុណ្ណោះ យើងមិនអាចសន្និដ្ឋានថាជាការពិតនោះទេ។

ទោះជាយ៉ាងណាក្ដី!នៅព្រឹកទី១៤.០២.២០២១នេះតាព្រហ្ម ពុំអាចសុំការបំភ្លឺពីឈ្មោះ ហាក់ លី ដែលរងការចោទប្រកាន់បានឡើយ។
ហើយអង្គភាពយើងរង់ចាំការបំភ្លឺពីសាម៉ីខ្លួន រាល់ម៉ោងធ្វើការ។

បច្ចុប្បន្ន៖ សមត្ថកិច្ចកំពុងស្រាវជាវលើករណីនេះព្រោះជនរងគ្រោះប្ដឹង ឱ្យចាត់ការតាមនីតិវិធី៕